Ондур Ыдык оскен торээн Овур чуртум 80 харлаан
Кады оскен огбелерим чурту кончуг
Кажанда-даа оске черге каяа-даа бол
Кады чурттаан эргим черим уттундурбас.
Ангы-башка буле тудуп ыраай бергеш
Аралажып чедип келир ынак чуртум:
Кара чаштан ойнап оскен Сарыг-Озен
Карактарга чурутуннуп коступ келир.
Даглар эдээн чаттып баткан Майгын-Тейим
Даады-ла бичии шаавыс сагындырар.
Арттылыг-Ажык ада-огбе чуртташтары-
Аржаан суунга ойнап оскен черивис ол.
Аржай-буурул Ак-Бедиивис, Талдыг-Чарык
Ажы-толду карактап кээр буяннывыс.
Хортук харын чара депсеп халып чораан
Хорлеттимнин, Шивилиимнин унаштары
Холун эртир ишчи бодуун малчыннарнын,
Хою-малын малдап чоруур делгемнери.
Шулурткайндыр хооревишаан агып чыдар
Шынап чараш чурумалдыг Улаатайым.
Арат-чону ырак черден чедип келгеш,
Аарыын эмнээш, сегээш чоруур Аксы-Туруум.
Чазын-кузун ак-ак оглер ээлей хонар
Чузун малы сурлуг турлуг мандып чоруур
Успа-Холче киир агып бадып чыдар
Узун баткан Берге-Баарыы турлагларым.
Кара булут коступ кээрге ыяап-ла чаар
Караты-Хаан тоолунда дег Кок-Сайырым.
Оът-сиген холбенейнип чалгып чыдар
Одарларда оъттаан малдын суруу янзы.
Опан-чипен эрес-кежээ мунчуларнын
Оруун изээн каас-байлак Бора-Шайым.
Даады-ла аржаан суунга чону келгеш
Тамчыктаннып, чунуп киргеш, дыжын алыр
Моол чурттун кызыгаарын ээлеп чыдар
Мургустуг деп ыдык черим -мээн чуртум.
Ч.Э.Ондар
Хандагайты 2014